Xa non hai risco de inundacións en Galicia ante a mellora da meteoroloxía

A Dirección Xeral de Emerxencias e Interior desactivou o Plan Especial para o risco de inundacións en Galicia (Inungal) ao observar unha mellora das condicións e que os caudais mostran un nivel de normalidade. Tal e como informou o 112 Galicia, o risco de desbordamentos dos ríos galegos "redúcese considerablemente" coas previsións meteorolóxicas para as próximas xornadas, o que propicia a desactivación dos controis especiais.

Esta información xa foi comunicada a todos os organismos e grupos de intervención co obxectivo de recuperar a normalidade e relaxar as medidas de protección. Durante a xornada do martes, MeteoGalicia prevé que as altas presións sitúense ao norte da Península Ibérica, collendo a Galicia no seu radio de acción. Así, espera nubes baixas e néboas en moitos puntos durante as primeiras horas, pero que tenderán a ir desaparecendo e, a partir do mediodía, en xeral, os ceos estarán pouco anubrados ou despexados. As temperaturas mínimas non terán cambios e as máximas tenderán a ascender.

Inundacións polo desbordamento dun río (imaxe de arquivo) | Fonte: Carlos Castro - Arquivo