Temas: LUISA VILLALTA LETRAS GALEGAS DíA DAS LETRAS GALEGAS A BANDA DA LOBA HOMENAXE MULLER INFANCIA VIDEOCLIP GUERRA COSTA PéLETS ACTIVISMO

(Vídeo) A banda da Loba homenaxea a Luísa Villalta

A homenaxeada este ano no Día das Letras Galegas é unha muller que viviu a catástrofe máis grande da nosa costa na súa infancia, o 'Prestige', e que de maior tivo que vovler ás praias para recoller pélets.

Por Galicia Confidencial | SANTIAGO | 09/05/2024 | Actualizada ás 10:33

A banda da Loba lanza a traca final da súa homenaxe a Luísa Villalta neste 2024 no que lle dedican as Letras Galegas: 'E o mar'. Con esta canción de ritmo 'ska' que recorda un pouco ao Bella Ciao, as 'lobas' queren reivindicar a cara máis social da escritora "que formou parte do movemento Nunca Máis ou escribiu posicionándose do lado do pobo palestino nesta guerra que semella non ter fin".

No videoclip, como protagonista principal, unha muller que viviu a catástrofe máis grande da nosa costa na súa infancia, o 'Prestige', e que de maior tivo que volver ás praias, esta vez para recoller os pélets. "'E o mar' é unha homenaxe ao activismo de Villalta, ao seu compromiso, á súa valentía e tamén ao noso pobo, porque non podemos nin queremos esquecer. Tralo 'Prestige', os pélets. Que virá despois?", pregúntase a banda.