Absolto un home acusado de agredir sexualmente á filla da súa muller en Narón

A sección primeira da Audiencia Provincial da Coruña absolveu a un home acusado de abusar e agredir sexualmente da filla da súa muller, menor de idade no momento dos feitos, no municipio coruñés de Narón, segundo informa o Tribunal Superior de Xustiza de Galicia (TSXG).

Segundo a denuncia, os supostos feitos aconteceron na vivenda na que convivía o matrimonio, xunto coa denunciante e o seu irmán, fillos da muller, dun matrimonio anterior.
A recorrente fai referencia na súa declaración a que en 2021 aconteceron varios episodios nos que o acusado lle realizou tocamentos de índole sexual, situacións que éste e a nai dela desmenten.

Na resolución indícase que, "tras practicar a proba, non observamos con claridade que a recorrente sufrise un contacto físico con connotación sexual. Tampouco presenta, a consecuencia dos feitos, unha pegada psíquica detectable". Tamén se afirma que "os datos obtidos na causa non apuntan, directamente, á afectación da súa liberdade sexual, e si á presenza de temores subxectivos e prevencións persoais, entendibles por razón da idade e de circunstancias das partes".

Afirma, ademais, que é insoslayable a aplicación "do principio in dubio pro reo, que ven interpretando desde hai tempo como a esixencia de que a condena vaia precedida da certidumbre da culpa, pois a dúbida no ánimo do juzgador debe conducir á absolución".

Sala para xuízos con tribunal de xurado na Audiencia da Coruña | Fonte: TSXG - Arquivo