Rescatada unha persoa tras caer nun gran buraco en Noia

Os servizos de emerxencia participaron este pasado xoves no rescate dunha persoa que caera nun buraco situado nas proximidades do río Vilacoba, ao seu paso pola localidade coruñesa de Noia.

Tal como informou o Consorcio Provincial contra Incendios e Salvamento da Coruña, os feitos ocorreron sobre as 19.30 horas, despois de que unha persoa caese nun buraco. Á chegada dos bombeiros, a vítima xa fora extraída, polo que a súa intervención consistiu en axudar ao persoal sanitario para mobilizar unha padiola e trasladala a un centro de saúde.

A Policía Local de Noia, a Garda Civil e o GES da devandita localidade tamén colaboraron no dispositivo.

Ambulancia nunha emerxencia no rural galego | Fonte: A. Chamadoira