Un tráiler cargado con achas de madeira envorca tras ceder o firme dunha pista forestal en Verín

Un tráiler que transportaba achas de madeira sufriu un envorco tras saírse da vía ao ceder o firme da pista forestal pola que circulaba no municipio ourensán de Verín. Segundo fontes da Garda Civil, o vehículo saíuse da vía pola marxe dereita e o seu condutor resultou ileso. Os feitos sucederon nunha pista forestal na parroquia verinesa de Feces da Cima. Ao parecer, debido ao peso do tráiler e a mercadoría que transportaba, o firme da pista cedeu, o que provocou o envorco do vehículo. A pista na que sucederon os feitos actualmente só é utilizada por madeireiros que traballan na talla e en facer achas de madeira.

Tráiler envorcado en Verín | Fonte: GARDA CIVIL