Aumentan a catro as persoas mortas en accidentes de tráfico nas últimas 24 horas

Catro persoas morreron nas últimas 24 horas en Galicia en accidentes de tráfico mentres conducían en Carballo, Vigo, Curtis e Ordes. O primeiro produciuse polo envorco dun tractor,  o segundo por bater contra un muro e o terceiro foi polo descarrilamento dun turismo. O cuarto foi o máis recente, en Ordes.

Foi na mañán deste venres após saírse da vía mentres circulaba pola N-550 ao seu paso pola parroquia de Leira. Segundo informa o 112 Galicia, os feitos ocorreron ao redor das 09.30 horas e foron os axentes da Policía Local os que avisaron ao Centro Integrado de Atención ás Emerxencias, indicando que o vehículo no que viaxaba a vítima saíuse da estrada.

Como consecuencia do impacto, a persona quedara atrapada no seu interior, polo que foi necesaria a intervención dos bombeiros, acudindo os efectivos do parque comarcal de Betanzos. A pesar de liberar ao único ocupante do vehículo, nada se puido facer para salvarlle a vida.

O accidente de Carballo foi na parroquia de Vilela,  tras recibir, pasadas as sete da tarde, ao 112 de Galicia chamadas de familiares alarmados polo envorco do tractor que conducía o pai. Os servizos deemerxencia só puideron confirmar a morte do home que se atopaba atrapado baixo o tractor. Segundo a familia, o vehículo envorcara e, posteriormente, os Bombeiros de Carballo.

En canto aos accidentes de Vigo e Curtis trasladouse a Emerxencias a saída de dous vehículos. No caso de Curtis os equipos de emerxencia sinalaron que o conductor puido sufrir unha indisposición previa que lle fixo perder o control do coche. 

No caso de Vigo, a Policía Local de Vigo investiga a morte dun condutor que impactou co seu coche contra o muro dunha casa en Vigo para determinar se o falecemento produciuse antes do sinistro ou como consecuencia deste. O suceso tivo lugar ás 15,00 horas, cando a central do 112 recibiu unha chamada para alertar dun accidente de circulación en lugar de Campelo, en Sárdoma.