O sorteo de EuroMillones deixa un novo millonario en Ponteceso
Concretamente en Pazos de Abaixo.
Por Europa Press / Redacción | SANTIAGO DE COMPOSTELA | 08/06/2024 | Actualizada ás 11:19
O sorteo de EuroMillones celebrado este venres, 7 de xuño, deixou un novo millonario en Pazos de Abaixo, na localidade coruñesa de Ponteceso.
A combinación gañadora está formada polos números 30, 26, 15, 37, 16 e estrelas 08 e 05. No sorteo non hai boletos acertantes de primeira categoría, polo que o bote ascende a 144 millóns de euros.
Con todo, o boleto do Millón, co código CWX38402, foi validado no despacho receptor número 29.090 de Pazos de Abaixo.
Ademais, hai un boleto acertante de segunda categoría (5 + 1) que foi validado na administración de lotarías número 4 de Boadilla del Monte, en Madrid, situada na avenida Infante Don Luís, 9 local 6.
