Galegos e galegas irán votar con ceos cubertos e vento moderado do nordeste

Os galegos irán votar este domingo, día 9 de xuño no que se celebran as eleccións ao Parlamento Europeo, con ceos anubrados e vento moderado do nordeste.

En concreto, durante o domingo, Galicia irá quedando baixo a influencia anticiclónica, con circulación do nordeste. Con esta situación, espéranse ceos anubrados en xeral, con menos nubes no litoral atlántico.

As temperaturas mínimas sufrirán un lixeiro descenso, mentres que as máximas continuarán sen cambios ou con lixeiros ascensos no oeste. Os ventos soprarán do nordeste, moderados en xeral, fortes na Costa da Morte.

Os galegos irán votar con ceos anubrados e vento moderado do nordeste. CAPTURA METEOGALICIA