Rescatan a unha muller en estado grave na praia de Mar de Fora, en Fisterra
O helicóptero de Gardacostas Pesca 1 realizou a evacuación ao hospital.
Por Europa Press / Redacción | SANTIAGO DE COMPOSTELA | 13/06/2024 | Actualizada ás 18:41
O helicóptero de Gardacostas Pesca 1 evacuou a un hospital a unha muller que se atopa en estado grave tras ser rescatada na praia de Mar de Fora, no municipio coruñés de Fisterra.
Unha chamada dunha persoa que se atopaba no areal fisterrán minutos antes das 16,00 horas e na que que pedía axuda para unha muller que se atopaba na auga activou un dispositivo de rescate coordinado pola base de Salvamento Marítimo en Fisterra. Ata a zona mobilizáronse o helicóptero Pesca 1 de Gardacostas e a embarcación Salvamar Regulus de Salvamento, aínda que a muller chegou á beira sen necesidade de ser recollida na auga polos efectivos de rescate.
Na area agardaba xa unha dotación de Urxencias Sanitarias 061 acompañada pola Policía Local de Fisterra. Tras unha primeira avaliación, o facultativo do 061 decretou a evacuación da muller en helicóptero ao hospital Álvaro Cunqueiro de Vigo.
Segundo a información facilitada por Salvamento Marítimo, a muller atópase en estado grave e os profesionais sanitarios esforzáronse durante o traxecto na aeronave por manter os seus constantes vitais ata a chegada ao centro sanitario vigués.
