Rueda pide "máis axilidade" para conceder as axudas do bono social térmico

O presidente da Xunta, Alfonso Rueda, referiuse este luns ao atrasos no pago do bono social térmico tal e como denuncian algunhas asociacións e usuarios. Esta axuda está enfocada para que familias con baixos recursos poidan facer fronte á factura enerxética. "Nin moito menos todo se fai coa axilidade que me gustaría", recoñeceu.

Con todo, Rueda volveu a reivindicar que, en relación "a outras comunidades", o Executivo galego "parte con vantaxe" na xestión deste tipo de axudas. A pesar de destacar a súa mellor situación con respecto a outras autonomías, Rueda suliñou que isto "non quere dicir" que non sexa preciso seguir gañando "en eficacia" e aludiu, así mesmo, á aposta por tratar de axilizar os procesos de resolución.

Con todo, no caso galego, en 2023 entregáronse en xuño as axudas correspondentes para facer fronte aos gastos térmicos de 2022. Noutros casos, como a Comunidad de Madrid, gobernada polo PP, os orzamentos aprobados para facerlle fronte ás contías correspondentes ao BTS do ano pasado tamén incluían atrasos que non se pagaran en 2022. A Comunidad Valenciana,  outra autonomía gobernada polos 'populares' anuncia o ingreso das axudas aínda para o mes de xullo deste ano en curso.

DEPENDENCIA

Por outra banda, o presidente galego defendeu este luns que o seu Goberno mellorou "os tempos na tramitación das valoracións para as persoas que pretenden acceder a unha prestación de axuda á dependencia, aínda que recoñeceu que queda "traballo por facer", polo que é necesario seguir implementando medidas.

Preguntado pola demora na atención á dependencia en Galicia, ante o que respondeu cunha reivindicación das melloras na axilización dos trámites. Aínda así, recoñeceu que quen esperan por unha prestación teñen "dereito" a que se valore a súa situación e insistiu en que a Xunta é consciente de que aínda "pode mellorar moito máis". Entre outras iniciativas, o presidente avogou polo incremento dos equipos de valoración, unha proposta que xunto á revisión dos procesos contribúe a axilizar a tramitación.