Rueda sobre a moción contra Jácome: "Vexo moito postureo"

A proposta de moción de censura contra o alcalde de Ourense, Gonzalo Pérez Jácome, segue dando moito que falar. Este luns, o presidente da Xunta, tamén volveu a cargar, a preguntas dos xornalistas, contra as "liñas vermellas" do BNG no marco da negociación para quitar ao líder de Democracia Ourensana da alcaldía.

Así, reafirmouse na súa impresión de que o que hai na capital das Burgas é máis "postureo" que unha intención real de cambiar ao alcalde. Neste punto, reiterou a súa convicción de que "alguén que quere negociar" en serio non arrincaría, sendo a cuarta forza en apoios nas últimas eleccións municipais do pasado ano, cun veto a que a Alcaldía puidese recaer en mans dun cargo do PP, formación que foi a segunda máis votada en Ourense, tras Democracia Ourensá.

Sobre a posibilidade dunha xuntanza entre os dirixentes dos tres principais partidos, el incluido, para desatrancar esta situación, tal e como suxeriu o presidente da Deputación de Ourense, Luis Menor, evitou pronunicarse, pero aconselleou á dirección do BNG que "lles dea un toque" aos seus dirixentes locais "porque non é de recibio poñer liñas vermellas".