Falece un home en Barreiros mentres xogaba un partido de fútbol de veteranos
As primeiras hipótese apuntan a que a causa da morte podería ser unha parada cardiorrespiratoria.
Por Europa Press / Redacción | SANTIAGO DE COMPOSTELA | 30/06/2024 | Actualizada ás 18:21
Un home faleceu no municipio lucense de Barreiros mentres xogaba un partido de veteranos. As primeiras hipóteses apuntan a que a causa da morte podería ser unha parada cardiorrespiratoria.
O suceso produciuse sobre as 13.10 horas deste domingo no campo das Vallas, en San Miguel de Reinante, cando disputaban un partido en homenaxe a un xogador do equipo Iberia C.F.
Ata o punto desprazáronse os profesionais de Urxencias Sanitarias de Galicia-061 que realizaron manobras de reanimación, pero nada puideron facer por salvarlle a vida.
En redes sociais, o Iberia C.F expresou a "dor e pesar" que comparte todo o pobo polo sucedido. "Non hai palabras para expresalo. Toda a nosa forza para a familia e amizades. Vivirás sempre en nós, nunca che esquecerémos", publicou o club.
