Aviso amarelo por choivas en parte do litoral da Coruña e de Pontevedra

A Axencia Estatal de Meteoroloxía (Aemet) activou un aviso amarelo por choivas a partir das 21.00 horas deste domingo en parte do litoral da Coruña e na costa de Pontevedra.

En concreto, o aviso estará activo entre as 21.00 horas e as 02.59 horas do luns por precipitacións acumuladas nunha hora de 15 litros por metro cadrado, que poderán ir acompañadas de treboada.

As zonas ás que afecta son o oeste e suroeste da Coruña, o Miño de Pontevedra e as Rías Baixas. Mentres, Meteogalicia tamén ten activo un aviso amarelo por choivas durante a madrugada deste luns no oeste e suroeste da Coruña e na provincia de Pontevedra.

Praia das Cunchas, en Rianxo | Fonte: Turismo de Galicia