Expulsan da Illa de Arousa á fragata rusa que fondeou sen permiso

A Garda Civil expulsou, na tarde deste sábado, á réplica da fragata rusa 'TS Shtandart' que fondeou o venres no municipio pontevedrés da Illa de Arousa sen permiso.

O veleiro, que desde o 6 de xullo navega baixo bandeira das illas Cook, non pode atracar nos peiraos comunitarios debido ás sancións da Unión Europea aos buques con pavillón ruso.

O buque chegou A Illa despois de que lle negasen a entrada ao porto de Vigo e esperaban, segundo un comunicado, que Capitanía Marítima lles de permiso para permanecer fondeados ata o 5 de agosto, cando cambien a tripulación.

A fragata 'TS Shtandart' fondeada na Illa de Arousa. | Fonte: Europa Press