Besteiro pide investir fondos europeos para atraer empregos mellor remunerados ao sector primario
Dado que os fondos europeos "non durarán sempre", Besteiro cre que "hai que saber aproveitar" a oportunidade con proxectos "absolutamente positivo" como este
Por Europa Press / Redacción | SANTIAGO DE COMPOSTELA | 01/08/2024 | Actualizada ás 16:51
O secretario xeral do PSdeG, José Ramón Gómez Besteiro, fixo un chamamento a aproveitar os fondos europeos para atraer ao sector primario "desenvolvemento, valor engadido e postos de traballo mellor remunerados".
O tamén portavoz do Grupo Parlamentario Socialista realizou unha visita á planta de Celega no Saviñao, onde estivo acompañado polo presidente da Deputación de Lugo, José Tomé, entre outros cargos socialistas.
Así, destaca a "arma poderosa" que constitúen os recursos da Política Agraria Común (PAC) para xerar riqueza, á vez que pon como exemplo o papel de Celega e a importancia das cooperativas.
En 2017, as cooperativas Lemos e Coreber comprar a planta de Celega co fin de garantir a venda de leite dos seus socios e engadir a transformación á cadea de valor. Sinala que a esa realidade contribuíron axudas procedentes de fondos europeos, en concreto do Feader no plan da PAC 2023-2027.
Dado que os fondos europeos "non durarán sempre", Besteiro cre que "hai que saber aproveitar" a oportunidade con proxectos "absolutamente positivo" como este.
