Ferido moi grave un ciclista que ía sen proteccións nin luces de madrugada
O home tiña 70 anos.
Por Europa Press / Redacción | OURENSE | 02/08/2024 | Actualizada ás 12:41
Un ciclista de 70 anos resultou ferido moi grave ao ser atropelado por unha furgoneta na estrada N-540 ao seu paso polo municipio ourensán da Peroxa.
Segundo informa a Garda Civil, o accidente tivo lugar ás 3,45 horas da madrugada nun tramo recto sen iluminación pública. O ciclista, veciño de Pitón, A Peroxa, non facía uso de ningunha protección nin de pezas reflectoras. O condutor do vehículo resultou ileso.
O Equipo de Investigación de Sinistros do Subsector de Tráfico da Garda Civil de Ourense informa de que realiza as correspondentes investigacións para determinar as circunstancias concretas do sinistro.
O 112 Galicia indica que foi o propio condutor implicado no accidente quen contactou co servizo de emerxencias para pedir atención sanitaria porque apreciaba lesións graves no ciclista. Mobilizouse, entre outros, ao 061 a lugar do sinistro na parroquia de San Cibrao de Armental.
