Feridas seis persoas, catro delas menores, tras unha colisión entre dous vehículos

Catro menores e dous adultos tiveron que se trasladados tras unha colisión entre dous vehículos na PO-550, ao seu paso pola parroquia de Castrelo, en Cambados. O suceso produciuse sobre 16:05 no quilómetro seis da vía e foi un particular o que deu a voz de alarma e indicou que os ocupantes, que se atopaban fóra do vehículo, necesitaban asistencia sanitaria. Ata o punto desprazáronse os profesionais de Urxencias Sanitarias de Galicia-061, a Garda Civil, Policía Local, os Bombeiros de Ribadumia e os membros de Protección Civil.

061 . | Fonte: Xunta de Galicia