Choque frontal entre dous coches en Cee

Unha colisión frontal entre dous vehículos na AC-152 en dirección Fisterra sáldase sen feridos. O suceso, que só deixou danos materiais, produciuse ás 01.00 horas deste sábado e ata o lugar desprazáronse os Bombeiros de Cee.

Por outra banda, en Boiro os bombeiros tiveron que rescatar a dúas persoas e dous cans que quedaron atrapados nun ascensor na avenida Compostela. No punto, os afectados detallaron que levaban 40 minutos atrapados e non eran capaces de contactar co servizo técnico.