Cermi Galicia reivindica maior visibilidade para as mulleres con discapacidade

O Comité de Representantes de Persoas con Discapacidade de Galicia (Cermi Galicia) reivindicou unha maior visibilidade para as mulleres con discapacidade no marco do Día Internacional e Europeo das Persoas con Discapacidade.

Nun acto celebrado no Edificio Fontán da Cidade da Cultura, Rosa María Blanco, muller con parálise cerebral e representante do programa de cidadanía activa da Confederación Aspace-Amencer de Pontevedra, explicou as barreiras ás que se tivo que enfrontar para a súa diagnostico e tratamento de cancro de mama xa que, por exemplo, segundo trasladou, non lle puideron facer unha mamografía, a ecografía non era precisa, e tivo que ser intervida cunha cirurxía invasiva para poder coñecer o alcance da súa enfermidade.

Así, aproveitou a súa intervención para reivindicar a súa "loita diaria" e a súa "intención de seguir loitando para que as mulleres con discapacidade teñan os mesmos dereitos".

Doutra banda, con motivo deste Día Internacional das Persoas con Discapacidade, o delegado do Goberno en Galicia, Pedro Blanco, destacou o traballo de colectivos como a Asociación Galega San Francisco-Agasfra, que traballa con persoas con discapacidade, no fomento da igualdade de dereitos e oportunidades.

Así mesmo, reafirmou "o compromiso do Goberno coas persoas con discapacidade", ejemplificando con accións como "o impulso á modificación do articulo 49 da Constitución a comezos de 2024".

"Supuxo unha reparación histórica e saldou unha débeda moral con estas persoas", sinalou Blanco, que fixo un chamamento a traballar en políticas como esta, "transcendente na vida cotiá da cidadanía".

Tamén este martes, a subdelegada do Goberno na Coruña, María Rivas, puxo en valor o traballo das entidades de Economía Social, sinalando que son "esenciais" para promover unha sociedade que "avanza en xustiza social".

Alfonso Rueda nun encontro con Cermi. XUNTA