Investigan a un home que realizaba labores de roza como presunto autor dun incendio forestal en Laza

A Garda Civil de Ourense tomou declaración en calidade de investigado a un home pola súa posible relación cun incendio forestal rexistrado a semana pasada en Laza. En concreto, segundo informou o corpo, o investigado é un veciño de Verín de 44 anos que realizaba labores de roza sen as precaucións necesarias. O incendio que se lle atribúe tivo lugar na zona na que traballaba, na parroquia de Cerdedelo, e afectou a 0,52 hectáreas de monte raso.

Roza | Fonte: XUNTA - Arquivo