Néboa mesta provoca dous accidentes múltiples con ata 10 vehículos na A-8 en Mondoñedo

Polo menos catro persoas resultaron feridas en dous accidentes múltiples con ata 10 vehículos implicados na A-8, ao seu paso polo municipio lucense de Mondoñedo, na zona do alto do Fiouco.

Segundo informou o 112 Galicia, o sinistro produciuse sobre as 11.30 horas entre o quilómetro 544 e 555, en ambos os sentidos de circulación. Como resultado dos dous accidentes, tal e como trasladou a central de emerxencias, hai catro persoas feridas leves.

Ata o lugar desprazáronse varias dotacións do Servizo de Urxencias Sanitarias de Galicia-061, Bombeiros de Barreiros e de Vilalba, Garda Civil, así como Policía Local e Protección Civil. Aínda que fontes de Tráfico sinalaron está a desviarse o tránsito e que a circulación permanece interrompida na zona tanto pola néboa como polo accidente, as retencións pódense observar entre os quilómetros 555 e 552.

Néboa na A-8, a Autovía do Cantábrico, no Alto do Fiouco. AXM