Ferido un operario tras precipitarse desde unha altura dun segundo piso

Un operario resultou ferido á primeira hora deste luns tras precipitarse desde un andamio, a unha altura dun segundo piso, no municipio ourensán de Toén.

Segundo a información do 112, o suceso tivo lugar ás 8,40 horas deste luns, cando o operario, que posiblemente estaba a realizar obras de reforma nun inmoble situado no número 20 da Rúa Verea, caeu desde a estada.

Ata o lugar desprazáronse efectivos da Garda Civil, así como persoal sanitario do 061 a bordo do helicóptero medicalizado con base en Ourense.

Ambulancia do 061-Urxencias Sanitarias de Galicia | Fonte: URXENCIAS SANITARIAS-061 - Arquivo