Traballadores da ITV galegas convocan o terceiro día de folga para este sábado
Reivindican entre outras cuestións o incremento salarial.
Por Europa Press / Redacción | SANTIAGO DE COMPOSTELA | 23/08/2024 | Actualizada ás 19:12
Comisións Obreiras de Industria de Lugo, xunto aos demais sindicatos da mesa de negociación, convocaron o terceiro día de folga na ITV galegas para este sábado de 08.00 a 14.30 horas.
Segundo informou o sindicato nun comunicado, desde que secundaron o segundo día de folga na empresa SYC, xestionadas por Applus, houbo unha reunión da mesa negociadora este luns, na que a empresa fixo "movementos totalmente insuficientes".
Así, as reivindicacións dos traballadores son: o incremento salarial --recuperar o poder adquisitivo perdido no último convenio--, equiparación salarial entre o persoal de naves e o administrativo e a redución de traballar seis días á semana.
