O BNG reclama que a Xunta poña medios para combater a enfermidade hemorráxica epizoótica en gando

O BNG esixiu á Consellería do Medio Rural que poña "os medios necesarios para deter" a enfermidade hemorrágica epizoótica "que afecta á montaña lucense".

Nunha visita a unha explotación da montaña lucense, a deputada nacionalista no Parlamento galego Montse Valcárcel denunciou o "abandono total" do sector gandeiro "ao que a enfermidade lle supón uns custos medios de 400 euros por animal".

Así o manifestou nunha visita xunto ao deputado Nino Fernández e os concelleiros de Becerreá Martín Gómez e Ovidio Montaña nunha das explotacións afectadas.

Montse Valcárcel esixiu á Xunta "medidas urxentes" e que "asuma as súas funcións" nunha situación de "extremo abandono" dos gandeiros ante a enfermidade.

Valcárcel sostén que o BNG "xa advertiu de que podía pasar cn a chegada do verán" e agora demándalle á Consellería do Medio Rural que "tome medidas e que pare de buscar escusas, que actúe xa".

Por outra banda, afirma que a incidencia está a ser "moi importante este verán", pero engade que "as escasas medidas preventivas e paliativas desde o goberno do PP non chegaron a tempo para ser efectivas e os gandeiros comezaron a sufrila sen estar preparados".

Representantes do BNG visitan unha explotación gandeira polos casos de enfermidade hemorrágica epizoótica. BNG | Fonte: Europa Press