Festival de arte urbana no barrio ferrolán de Canido para esta fin de semana

O promotor das Meninas de Canido, Eduardo Hermida, un festival de arte urbana que se desenvolve cada ano neste barrio de Ferrol, e onde os artistas reproducen as súas ideas do famoso cadro de Velázquez, asegurou que esta edición será "a máis cobizada, a máis importante, en canto a nivel artístico, e a maior do dezaseis celebradas ata o momento".

"Coa presenza de "artistas como 'Belin', 'Suso33', como 'Diego As' ou 'Sfhir', é un auténtico privilexio", detallou Hermida, que incidiu en que "algúns deles xa están a traballar", detallou.

Ditas manifestacións realizounas Hermida no mediodía deste martes no seu estudo, onde tivo lugar a presentación desta proposta cultural, onde estivo acompañado, entre outros, polo alcalde de Ferrol, José Manuel Rey Varela, o vicepresidente da Deputación da Coruña, Xosé Regueira, e a delegada da Xunta en Ferrol, Martina Aneiros.

Hermida detallou que a participación destes artistas "non só é bo para o noso proxecto, senón tamén para a propia cidade, que deixarán aquí a súa obra" e que, ademais, "supón todo un referente dentro da arte urbano, sobre todo dentro da pintura muralista".

Desde a organización das Meninas de Canido tamén se trasladou que "nesta edición tivemos que reducir un pouco o número de artistas, ao quedarnos sen espazos, porque cada vez é máis difícil atopar espazos para intervir", todo o contrario, en canto a grandes fachadas, xa que "hoxe en día, cada mañá, chámanme tres ou catro persoas para dicirme que teñen a fachada da súa casa como lenzo á nosa disposición para, poder pintar".

Eduardo Hermida tamén detallou que este barrio, nos máis de 15 anos que levan organizando esta proposta "sufriu un cambio moi importante", que queda patente en que apenas quedan casas para rehabilitar e que o colexio público deste barrio tiña antes "170 alumnos matriculados e agora creo que son máis de 400 os que están, é dicir, o barrio está totalmente rexuvenecido".

ARTE URBANA

Pola súa banda, Regueira sinalou que "para as persoas que nos gusta arte pública e a arte urbana, sempre é un pracer descubrir espazos como estes, onde a arte consegue rexenerar" e que, no ámbito turístico, "por fin, Ferrol xa non é unha promesa, é unha realidade cuns datos fantástico de toda esta costa" e onde as Meninas de Canido "tamén forman parte dese ideario que buscan moitas persoas para facer as súas visitas".

Martina Aneiros destacou que nas Meninas de Canido "gozaremos dun evento no que hai creatividade e talento dos artistas", e que é, ademais, "a arte convertida na transformación dun barrio", pasando a ser "unha galería de arte ao aire libre, que ademais se mantén durante o resto do ano", ademais de potenciar con iso o turismo.

Por último, o alcalde de Ferrol, destacou que Canido "está a contribuír con eventos como este para que Ferrol vaia mellor" e que "dá gusto ver a xente que pon parte do seu patrimonio en implicarse socialmente", en alusión a Eduardo Hermida, detallando Rey Varela que no ámbito turístico esta cidade conseguiu uns grandes resultados.

Meninas de Canido.