Por Europa Press / Redacción | SANTIAGO DE COMPOSTELA | 04/09/2024 | Actualizada ás 15:05
Un veciño de Meis permanece investigado por varios delitos despois de volver ser identificado pola Garda Civil tras fuxix de forma temeraria de novo.
O condutor conta cun historial no que figuran varias fugas en coche, segundo informou este mércores a Garda Civil.
A última delas produciuse o pasado mes de agosto, cando unha patrulla localizou ao condutor cando aparcaba o seu coche no parking dun supermercado de Ribadumia (Pontevedra).
Cando os axentes se dispuñan a identificalo, o condutor emprendeu unha fuga a gran velocidade despois de dar marcha atrás, o que iniciou unha persecución na que tentou embestir ao coche patrulla.
Durante a fuxida, o condutor puxo en risco a peóns e outros vehículos que tiveron que esquivar o vehículo fuxido, que invadía o carril contrario e non respectaba os sinais.
Os axentes desistiron na persecución logo de varios quilómetros para "evitar a produción dun mal maior" ou dun accidente.
Días máis tarde, o vehículo foi localizado en Raxó, no municipio pontevedrés de Poio. Alí, a Garda Civil procedeu a deter ao condutor para evitar que, de novo, emprendese a fuga.
O individuo é un home de 48 anos veciño do municipio de Meis que conta con diversos antecedentes, varios deles por conducir de forma temeraria.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.