Crecen en Galicia as ofertas de emprego en titulacións de FP: supoñen case 4 de cada 10 vacantes

A Formación Profesional creceu case 12 puntos no último ano e sitúase como a titulación máis demandada nas ofertas de emprego galegas, segundo un estudo do portal de traballo Infoempleo e Adecco. Nel, sinálase que a falta de man de obra especializada en certos sectores produtivos e a adopción de novas tecnoloxías como a automatización ou a Intelixencia Artificial incrementaron o interese das empresas por recrutar a máis profesionais técnicos, especialmente aqueles que proceden da Formación Profesional.

En canto a Galicia, indica que durante o pasado ano incrementouse notablemente a proporción de ofertas de emprego que demandan Formación Profesional "para recuperar case todo o terreo perdido, representando agora o 36,73 % das vacantes e converténdose nas titulacións máis requiridas para traballar". "A nivel nacional, o comportamento da FP tamén segue imparable: a súa demanda aumenta máis de sete puntos respecto ao ano anterior. Isto fíxolle volver ser o nivel formativo máis requirido polas compañías en España (41,91 % das vacantes)", engade.

Román Rodríguez visita a nova aula que simula unha clínica de odontoloxía no CIFP Leixa de Ferrol | Fonte: Kiko Delgado - Arquivo