Ingresan en prisión os dous detidos en Verín acusados de tráfico de drogas
A Garda Civil dá por desarticulado un punto de venda de estupefacientes tras os arrestos.
Por Europa Press / Redacción | Santiago de Compostela | 14/09/2024 | Actualizada ás 11:46
Os dous veciños do lugar de Mourazos, en Verín detidos por un delito de tráfico de drogas ingresaron en prisión, segundo informaron fontes da Garda Civil. Cos arrestos destas dúas persoas, a Garda Civil da por desarticulado un punto de venda de drogas nesta localidade.
En concreto, no marco da Operación Ugly-Ou, os dous homes foron detidos despois de que se lles incautase no interior dun vehículo 94 pastillas de éxtases e 18 gramos de speed. Ademais, este venres, tras a autorización do Xulgado de Garda de Verín, procedeuse ao rexistro no inmoble no que custodiaban as sustancias estupefacientes, na localidade de Mourazos. A Garda Civil informou de que incautaron 352 gramos de MDMA, así como tres teléfonos móbiles e documentación persoal.
