Cachado tras entrar a roubar dúas veces no local dunha asociación de Ourense
O ladrón subtraeu un televisor e varios obxectos máis, ademais de diñeiro en efectivo.
Por Europa Press / Redacción | OURENSE | 19/09/2024 | Actualizada ás 13:10
Axentes da Policía Nacional da Comisaría Provincial de Ourense detiveron a un individuo como presunto autor de dous roubos con forza cometidos nun mesmo local, que pertence a unha asociación. Segundo informaron fontes policiais, o detido accedera ao establecemento, situado na Avenida de Marín, en dúas ocasións, os pasados 31 de agosto e 2 de setembro. As pescudas revelaron que o sospeitoso accedeu ao interior do local utilizando un escalo para saltar un muro de tres metros e, tras romper unha xanela lateral.
O ladrón subtraeu un televisor e varios obxectos máis, ademais de diñeiro en efectivo. A investigación e o estudo das evidencias por parte da Policía Científica permitiu identificar a este home, que foi detido por efectivos da UDEV o pasado luns. Tras a práctica das dilixencias policiais, o detido foi posto a disposición xudicial.
