Aberto o prazo de alegacións do polémico proxecto eólico nas Neves
Por E.P. | PONTEVEDRA | 08/10/2024 | Actualizada ás 12:55
A Consellería de Medio Ambiente somete a información pública o proxecto eólico chamado Coto de Lobos, situado entre os municipios das Neves e Salvaterra, que levantou contestación veciñal e rexeitamento de comunidades de montes.
O Diario Oficial de Galicia (DOG) deste martes informa de que se abre un período de alegacións dun mes a un proxecto que prevé a instalación de seis aeroxeradores. Impulsado pola empresa Parque Eólico Cadaval e Ventoso SL, este parque eólico contará con 42 megawatts de potencia a instalar, cun orzamento duns 38 millóns de euros.
Este seis aeroxeradores terán 170 metros de diámetro de rotor, ao que se suman dúas liñas subterráneas de 30 quilowatts para conectar os aeroxeradores entre si e cunha subestación de transformación.
