Sanidade renova os comités clínicos que regulan a Lei de saúde sexual e de interrupción do embarazo

O Diario Oficial de Galicia publica, na súa edición deste luns, a orde da Consellería de Sanidade pola que se procede a renovar os membros dos dous comités clínicos que regulan a Lei de saúde sexual e reprodutiva e da interrupción do embarazo, unha vez que xa terminou o prazo establecido das persoas que os integraban ata agora.

Deste xeito, noméanse membros titulares do comité clínico número 1 a Susana Blanco Pérez, facultativa especialista en xinecoloxía e obstetricia da área Sanitaria de Ourense, Verín e O Barco de Valdeorras; a Beatriz Alvar Mantiñán, facultativa especialista en xinecoloxía e obstetricia da área Sanitaria da Coruña e Cee; e a José Luís Fernández Trisac, facultativo especialista en pediatría da área Sanitaria da Coruña e Cee.

Así mesmo, noméanse membros titulares do comité clínico número dous a Roberto González Boubeta, facultativo especialista en xinecoloxía e obstetricia da área Sanitaria de Vigo; Sabela Iglesias Faustino, facultativa especialista en xinecoloxía e obstetricia da área Sanitaria de Vigo; e a María Luisa González Durán, facultativa especialista en pediatría da área Sanitaria de Vigo.

Manifestación en Santiago de Compostela a prol do aborto libre e gratuíto | Fonte: Galiza Contrainfo - Arquivo