A Deputación de Ourense entrega o Premio Xosé Aurelio Carracedo ao xornalista Luís Álvarez Pousa
Pola súa "longa e intensa traxectoria profesional".
Por E.P. | SANTIAGO DE COMPOSTELA | 17/10/2024 | Actualizada ás 15:16
A Deputación de Ourense entregou o XXXIII Premio de Xornalismo Xosé Aurelio Carracedo ao xornalista Luís Álvarez Pousa pola súa "longa e intensa traxectoria profesional".
"Como formador das primeiras promocións de xornalistas galegos, o seu compromiso co xornalismo cultural e a súa capacidade para xerar pensamento e debate na sociedade desde revísta 'Tempos Novos', con 329 números consecutivos desde 1997", detallou a acta do xurado, segundo informou a Deputación nun comunicado.
O premio, que nesta edición inclúe unha dotación económica de 4.500 euros e placa de recoñecemento, será entregado nun acto que organizará a institución provincial antes de que finalice o ano.
O xurado tamén acordou deixar deserta a concesión da Bolsa Xosé Aurelio Carracedo, cunha dotación de 3.000 euros, para o mellor expediente de entre os presentados ao certame polos estudantes ourensáns que cursou o primeiro ano do grao de Xornalismo, no sistema público universitario español, correspondente ao ano académico 2022-2023.
