Varios terremotos moi leves sentidos no Norte de Lugo

O Instituto Xeográfico Nacional (IGN) informou do rexistro dun terremoto de baixa intensidade fronte ás costas da Mariña lucense, ocorrido nas últimas horas.

Así, o tremor, de magnitude 2, produciuse no Cantábrico, fronte ao litoral do norte de Lugo, pasadas as 02,00 horas da madrugada deste luns.

Segundo o IGN, o sismo tiña o seu epicentro a un mil metros de profundidade, e non foi o único rexistrado nesa zona: unhas horas antes, sobre as 22,20 horas do domingo, quedou rexistrado outro terremoto, de magnitude 1,9, tamén no Cantábrico. Nese caso, produciuse fronte ás costas asturianas.

Terremoto no norte de Lugo | Fonte: Instituto Geográfico Nacional