Buscan unha menor de 14 anos en Fisterra que leva desaparecida desde este martes
A menor é natural de Ordes. Fontes da Garda Civil confirmaron que a familia interpuxo unha denuncia pola desaparición.
Por Europa Press / Redacción | SANTIAGO DE COMPOSTELA | 23/10/2024 | Actualizada ás 19:32
A Garda Civil activou un operativo de procura, centrado na zona costeira de Fisterra, a unha menor de 14 anos, de Ordes, que está desaparecida desde este martes.
Fontes da Garda Civil confirmaron a Europa Press que a familia interpuxo unha denuncia pola desaparición.
O dispositivo, con patrullas a pé e servizo aéreo (un helicóptero), céntrase na zona costeira, especialmente na contorna de Mar de Fóra.
Para tratar de localizala recorrerase á geolocalización do seu teléfono móbil e, precisamente, a procura céntrase na zona de Fisterra porque a comunicación que mantivo cunha amiga indicaría que é o último lugar no que hai constancia da súa presenza.
