Inician os traballos para refrotar o barco afundido dienta no porto de Camariñas en setembro
Os gastos de base para reflotar o barco ascenden a 15.000 euros. Tras iso, o buque será trasladado a un xestor autorizado para o seu despezamento e o importe estímase sobre os 50.000 euros.
Por E.P. | SANTIAGO DE COMPOSTELA | 29/11/2024 | Actualizada ás 11:31
Portos de Galicia comezou as tarefas para reflotar o barco, 'Jaungaikoa', que se incendiou e acabou afundido no porto de Camariñas o pasado 4 de setembro.
Segundo informou a Xunta, o proceso comeza tras recibir o informe e custos preliminares, así como a tramitación do contrato para realizar as tarefas.
Portos asumiu os labores de reflote ante a "inacción" do propietario do barco. Por iso, puntualizou a Consellería do Mar, ante o incumprimento desa obrigación dentro do prazo establecido pola lei, o ente público "viuse obrigado" a realizar as tarefas e asumir os custos derivados do proceso.
Neste contexto, os gastos de base para reflotar o barco ascenden a 15.000 euros. Tras iso, o buque será trasladado a un xestor autorizado para o seu despezamento e o importe estímase sobre os 50.000 euros.
