O sur de Ourense, en alerta por temperaturas por baixo dos -4 graos este domingo

O sur de Ourense volverá estar na madrugada deste domingo en aviso amarelo por frío, con valores que poderían descender dos 4 graos negativos. Segundo a web de Meteogalicia, a alerta estará vixente en municipios do sur desta provincia desde a medianoite ata as 09.00 horas da mañá.

Durante a pasada madrugada os termómetros en varios municipios ourensáns baixaron dos -4 graos. É o caso de Calvos de Randín (-6,2 graos), Xinzo de Limia (-4,9 graos) e Verín (-4,7 graos).

Na xornada do domingo, Galicia atoparase baixo a influencia das altas presións situadas ao norte que achegarán ceos despexados na maior parte do territorio co avance do día. No interior poderá haber néboas e, en xeral, as temperaturas non sufrirán cambios significativos. Así mesmo, o vento será de compoñente leste.

Dúas persoas abrigadas nunha rúa do municipio de Pedrafita do Cebreiro, 13 de decembro de 2023 / Carlos Castro - Arquivo / Europa Press