Trasladan un home intoxicado por fume ocasionado por un incendio no vestidor dunha casa en Curtis

Doutra banda, no municipio coruñés de Curtis, unha persoa tivo que ser atendida tamén por inhalación de fume tras producirse un incendio na zona do vestidor dunha vivenda situada na avenida de Santa María de Lurdes e que afectou por completo a unha habitación.

Foi un particular quen, sobre as 23.45 horas, alertou aos xestores do 112 de que saían chamas da habitación dunha das vivendas do inmoble.

Ata alí desprazáronse os equipos de extinción para controlar a situación. Ao finalizar a súa intervención confirmaron que ardera unha das habitacións por completo e que o resto da vivenda quedara afectada o fume.

Ademais dos servizos sanitarios, tamén participaron no operativo os Bombeiros de Betanzos, o GES de Curtis e axentes da Garda Civil.

Bombeiros Betanzos