Catro persoas feridas nun accidente entre tres vehículos na A-52 en Ponteareras
Pasadas as 18.00 horas, un condutor caeu co seu coche por un terraplén cando tentaba aparcar en Lalín, concretamente preto do Santuario do Corpiño, en Losón.
Por E.P. | SANTIAGO DE COMPOSTELA | 18/12/2024 | Actualizada ás 19:56
Catro persoas resultaron feridas, aínda que só dúas necesitaron ser trasladadas, nun accidente múltiple con tres vehículos implicados na A-52 ao seu paso por Ponteareas. Un deles era un camión que transportaba chatarra.
Segundo informa o 112 Galicia, o aviso por este accidente chegou sobre as 17.00 da tarde a través do sistema automático 'E-call', aínda que tamén se atenderon diversas chamadas de particulares, un deles o condutor do camión.
Esta persoa indicaba que había ata tres vehículos implicados neste choque e que, mesmo, había un turismo encima da mediana cuxos ocupantes saíron grazas a persoas que se pararon para socorrer.
En total, catro persoas resultaron feridas pero, segundo explicaron desde Protección Civil, só dúas necesitaron traslado a un centro sanitario.
CAE POR UN TERRAPLÉN EN LALÍN
Por outra banda, pasadas as 18.00 horas, un condutor caeuse co coche por un terraplén cando tentaba aparcar en Lalín, concretamente preto do Santuario do Corpiño, en Losón.
Foi o propio implicado quen contactou co 112 para solicitar axuda porque se atopaba no medio dunhas árbores e tiña dificultades para saír.
Así, os xestores de emerxencias solicitaron a intervención dos bombeiros do Deza, así como de Protección Civil e da Policía Local.
