Arde un barco do Gran Sol pendente de despezar no porto de Meira, en Moaña

Os Bombeiros do Morrazo continúan traballando este domingo para extinguir un incendio declarado nun barco do Gran Sol varado preto dun estaleiro de Meira, en Moaña. Segundo informou o 112 Galicia, trátase dun barco do Gran Sol que estaba para despezar, polo que carece de combustibles e aceites que "poidan ocasionar unha contaminación da auga".

Foi un veciño o que, desde a súa casa, viu como "humeaba" e "botaba chamas", polo que pasadas as 08.00 horas alertou do incendio. Así, os xestores do Centro Integrado de Atención ás Emerxencias avisaron aos Bombeiros do Morrazo, que seguen traballando para pór fin ao lume. Con todo, solicitouse a colaboración de Salvamento Marítimo para aplicar "as barreiras de contención necesarias" e evitar así "calquera resto" da extinción do incendio ou do mesmo barco que "poida incidir nas condicións mariñas".

O lume no barco do Gran Sol que arde no porto de Meira é visible dende Vigo | Fonte: Cedida