Se es A-, B+ e 0-, vai doar en Nadal

A Axencia de Doazón de Órganos e Sangue (ADOS) da Consellería de Sanidade fai un chamamento a doar sangue durante a próxima semana, en plenas festas do Nadal, por contar con reservas baixas dos grupos A negativo, B positivo e 0 negativo.

Mentres tanto, as reservas dos grupos A positivo, B negativo e 0 positivo están en niveis normais; e as de AB positivo e AB negativo son as únicas que conta con bos rexistros.

Neste contexto, ADOS anima a doar e lembra os puntos de doazón que haberá a próxima semana en distintas localidades galegas, porque o Servizo Galego de Saúde (Sergas) precisa dunhas 500 doazóns diarias para atender a todas as persoas que nos hospitais necesitan unha transfusión debido a intervencións cirúrxicas, outros problemas de saúde ou porque sufriron un accidente.

ADOS chama a doar ao permanecer baixas as reservas dos grupos sanguíneos A+ e 0- nos hospitais | Fonte: XUNTA