Falece un home nunha zona de rocas da praia de Area de Bon, en Bueu
A recuperación do corpo, explica o 112 no seu parte de incidencias, foi complicada tanto por terra como por mar.
Por Europa Press / Redacción | VIGO | 31/12/2024 | Actualizada ás 12:15
Un home faleceu este martes cando se atopaba nunha zona de rocas nunha praia de Bueu, segundo informou a Europa Press o servizo de emerxencias 112. En concreto, recibiron o aviso sobre as dez menos cuarto da mañá. Un particular solicitaba asistencia sanitaria para un veciño que se atopaba mareado e que se atopaba nunhas rocas na praia de Area de Bon, en Bueu. Ao lugar, desprazáronse Urxencias sanitarias que xa confirmaron que a zona era de difícil acceso. Tamén se informou a Salvamento Marítimo e ao Servizo de Gardacostas, sen descartar mobilizar outros efectivos aéreos nun primeiro momento.
A recuperación do corpo, explica o 112 no seu parte de incidencias, foi complicada tanto por terra como por mar. Por iso, Pesca I, do Servizo de Gardacostas de Galicia, mobilizouse para levar a cabo o rescate do falecido. Nesta intervención, tamén participaron Salvamento Marítimo, a Garda Civil e a Policía Local de Bueu, recolle o servizo de incidencias no seu parte do mediodía.
