Os Reis Magos non chegarán este domingo por mar a Ferrol

O Concello de Ferrol, debido ao mal tempo, cancelou a chegada dos Reis Meigos por mar ao porto de Curuxeiras e adiantou a saída da comitiva real. Segundo informou o consistorio nun comunicado, a saída será ás 17.00 horas da rúa Venezuela e mantense o percorrido previsto, que finalizará cunha recepción no Concello.

O percorrido será polas rúas Colombia, estrada de Castela, Pontevedra, Cuntis, Roi Xordo, praza de España, María, Méndez Núñez, Real, Rubalcava e praza de Armas. Así mesmo, por motivos de seguridade, nas carrozas non haberá nenos.

Cabalgata Reis Magos en Ourense | Fonte: Europa Press - Arquivo