20 de Xullo, día do Xenocidio galego

O 20 de xullo de 1936, Galicia e Vigo caeron en mans do réxime franquista, marcando o comezo dun período de represión e exilio para miles de galegos. Este día podería considerarse como o inicio do xenocidio galego, xa que a violencia e a opresión exercidas polo réxime franquista tiveron un impacto devastador na poboación galega.

Por Lois Pérez Leira | Vigo | 06/01/2025

A represión do golpe de estado militar, empresarial, eclesiastico foi feroz, con execucións sumarias, "paseos" nocturnos e cadáveres abandonados nas cunetas. Moitos galegos foron obrigados a fuxir, iniciando un longo período de exilio que os levou a diferentes partes do mundo, incluíndo México, República Dominicana, Cuba e a Arxentina .

Neste contexto, é importante lembrar o exilio de personalidades como Luís Seoane, Castelao, Antón Alonso Ríos, Ramón Suárez Picallo, Praceres Casteláns e Maruja Mallo entre outros.

É hora de recoñecer a gravidade do que sucedeu en Galicia durante aquel período e de honrar a memoria das vítimas do xenocidio galego. Declarar o 20 de xullo como o Día do Xenocidio Galego e o Inicio do Exilio sería un paso importante cara á verdade, a xustiza e a memoria.

Naceu en Vigo en 1953, emigrando á Arxentina cos seus pais sendo aínda un neno. En 1990 retorno definitivamente a Galicia, especializándose en temas migratorios. Durante estes últimos anos escribiu numerosos libros sobre a emigración galega e impartiu distintas conferencias en distintos países do mundo. Nos últimos anos se dedicou ao documentalismo sendo director de 18 documentais. Na actualidade é o secretario xeral de Nova Esquerda Socialista, organización que participa do Novo Proyecto Común. Foi distinguido en numerososa oportunidades, sendo nomeado cidadán ilustre da cidade de Salvador de Bahia.