A vivenda de segunda man segue disparada en Galicia
Sobe de prezo un 10% en 2024, por encima da media, segundo Fotocasa
Por Europa Press / Redacción | Compostela | 08/01/2025 | Actualizada ás 12:38
O prezo da vivenda de segunda man subiu en Galicia un 10% no ano 2024, con 1.891 euros por metro cadrado. Está por encima do 8,4% da media española (2.389 euros), segundo o portal inmobiliario Fotocasa.
O "quecemento" do mercado reflicte a "tendencia alcista" dos prezos provocada pola "tensión" entre a oferta e a demanda. Con todo, os prezos medios aínda non alcanzaron durante o 2024 os máximos históricos experimentados durante a burbulla inmobiliaria, segundo informa a portavoz do Fotocasa, María Mato.
Mato afirma que a "caída" dos intereses actuou como "motor" da demanda e facilitado o acceso dos cidadáns a hipotecas, polo que, neste contexto, o mercado "mantense sólido", pero necesita "medidas que promovan o equilibrio entre a oferta e a demanda" para que poida ser "sustentable a longo e medio prazo".
ALACANTE É A PROVINCIA QUE MÁIS CRECE
A peche de 2024, os prezos da vivenda usada en Alacante son un 21,3% máis elevados que no mesmo período do 2023, o que a sitúa como a provincia na que máis creceron, seguida de Illes Balears (19,5%), Guadalaxara (17,2%), Málaga (16,4%), Lugo (14,9%), Valencia (14,8%), Castelló (14,5%), Pontevedra (13,7%) e Madrid (13,6%).
