A Xunta detecta 13.600 traballadores "de baixa laboral inxustificada" e obriga a dalos de alta
Impulsa un plan de control das tres áreas con máis absentismo laboral; Compostela, Ferrol e Lugo-Monforte. Na capital galega detectouse que o 58% dos traballadores estaba de baixa sen xustificación.
Por Europa Press / Redacción | SANTIAGO DE COMPOSTELA | 13/01/2025 | Actualizada ás 14:51
Loita contra as baixas inxustifcadas. A Xunta A Consellería de Sanidade emprendeu desde xuño de 2024 un plan especial de inspección de incapacidades temporais polo cal revisou uns 20.000 casos. De todos eles, en aproximadamente 13.600, dous de cada tres, a baixa "non estaba xustificada" e foron dados de alta.
Son cifras que deron o presidente da Xunta, Alfonso Rueda, e o conselleiro do ramo, Antonio Gómez Caamaño, na súa comparecencia ao termo da primeira reunión do Goberno galego de 2025. Ambos explicaron que as áreas sanitarias de Santiago-Barbanza, Ferrol e Lugo-A Mariña Monforte eran as tres con maiores índices de absentismo laboral e que, por iso, Sanidade implantou unidades de apoio para revisar todos os casos.
O caso da área da capital galega é o máis salientable, porque a Administración galega detectou que "só o 44,18 por cento" do total das baixas --menos da metade-- estaban realmente xustificadas. Na de Ferrol, a porcentaxe era do 61,34%, mentres que en Lugo, do 60,99%.
O que fixo o servición de Inspección de Sanidade foi citar presencialmente a esas máis de 20.000 persoas que estaban de baixa --tamén traballadores públicos-- e entrevistarse cos médicos de cabeceira.
"REDUCIR E AXILIZAR Os TRÁMITES"
Todo responde a un plan da Xunta para "reducir e axilizar os trámites" sobre as incapacidades temporais, pero "con garantías". "As persoas que teñan unha causa xustificada, están no seu dereito (de estar de baixa), faltaría máis. Pero que estas persoas estean nesta situación e non haxa razóns obxectivas para iso tira índices de absentismo moi preocupantes", aseverou Alfonso Rueda.
Posteriormente, o conselleiro sinalou que é un "problema multifactorial" que ten un "amplo impacto" na sociedade, tamén a nivel económico para o sistema público "que é o que paga". A preguntas dos medios, o titular de Sanidade recoñeceu que son os propios médicos os que conceden as baixas laborais. Por iso mesmo, explicou, a Xunta por medidas como a "formación continua" aos profesionais".
Para ese efecto, en 2024 o MIR de Medicina Familiar e Comunitario rotaron tamén polas unidades de inspección e control de saúde laboral do catro provincias. Ao final, dixo Gómez Caamaño, as medidas do plan "van enfocadas a todo o proceso".
MEDIDAS
Nesta liña, o conselleiro destacou que as probas que realizan as mutuas xa están incluídas na historia clínica electrónica de cada paciente no Sergas. Así, ao longo do ano pasado, a sanidade pública galega autorizou 10.806 probas feitas polas aseguradoras. Outra das medidas é fixar unha cita presencial para consulta nos partes de baixa emitidos polo facultativo de Primaria, que estima a duración do proceso de incapacidade temporal e que establece a data do próximo recoñecemento. Isto evitará que o paciente deba solicitar a consulta e corra o risco de que non haxa oco.
