Precísanse doazóns de sangue dos grupos A+ e 0+
ADOS lembra que todos os días do ano necesítanse preto de 500 doazóns para cubir adecuadamente as necesidades de compoñentes sanguíneos por parte dos centros sanitarios.
Por Europa Press / Redacción | A CORUÑA | 17/01/2025 | Actualizada ás 11:19
A Axencia de Doazón de Órganos e Sangue (ADOS) fixo un chamamento a doar sangue en Galicia, especialmente a persoas cos grupos sanguíneos A positivo e 0 positivo, porque as súas reservas están baixas. Mentres tanto, as dos grupos A negativo, 0 negativo e B positivo están en niveis normais; e as de B negativo, AB positivo e AB negativo son as únicas que contan con bos rexistros.
Neste sentido, ADOS lembra que todos os días do ano necesítanse preto de 500 doazóns para cubir adecuadamente as necesidades de compoñentes sanguíneos por parte dos centros sanitarios. Por tanto, este organismo dependente da Consellería de Sanidade insta á cidadanía a achegarse a calquera dos sete puntos permanentes de doazón ou ás unidades móbiles que a diario percorren municipios das catro provincias galegas.
