Atrasos nos trens A Coruña-Vigo por unha incidencia técnica en Ordes
O tren das 0.6.30 horas chegou con hora e media de atraso e provocou retardos de entre 10 e 20 minutos no resto.
Por Europa Press / Redacción | SANTIAGO DE COMPOSTELA | 05/02/2025 | Actualizada ás 10:31
Unha incidencia rexistrada á primeira hora deste mércores na liña ferroviaria do Eixo Atlántico provocou atrasos en varios trens. En concreto, segundo fontes consultadas por Europa Press, a circulación permaneceu interrompida na vía 2 entre Ordes e Cerceda, onde estivo detido o tren de Media Distancia Vigo-A Coruña das 06.30 horas.
A esta hora, tal e como confirmaron estas mesmas fontes, xa se deu tensión e o tren puido continuar a marcha, pero chegou á estación coruñesa con case hora e media de atraso sobre a hora prevista.
O resto dos servizos desenvólvense con normalidade, aínda que con algúns atrasos de entre 10 e 20 minutos debido a esta incidencia de primeira hora.
