Dous galegos entre os detidos trala incautación de case media tonelada de cocaína

As autoridades incautaron un alixo de 400 quilos de cocaína tras o afundimento dunha narcolancha na costa de Asturias. O operativo policial, no que participaron axentes da Policía Nacional, o Grupo de Resposta Especial para o Crime Organizado (GRECO) e a Garda Civil, saldouse con cinco detidos, entre eles dous galegos, vinculados á localidade coruñesa de Ribeira, onde se realizaron rexistros nas últimas horas.

O suceso tivo lugar na madrugada do mércores, cando unha embarcación motora afundiu a tres millas de San Esteban de Pravia. Salvamento Marítimo acudiu á zona tras recibir un aviso e rescatou tres tripulantes de nacionalidade francesa, que foron trasladados en helicóptero ao porto do Musel (Xixón) e posteriormente atendidos no hospital de Jove debido a síntomas de hipotermia.

APARICIÓN DE DROGA FLOTANO NO MAR

Unha vez completado o rescate, os efectivos de Salvamento Marítimo volveron á zona do afundimento, onde atoparon sete paquetes flotando na auga, os cales foron identificados como droga. Tras dar aviso á Garda Civil, esta desprazouse ao lugar e localizou máis fardos de cocaína flotando no mar, o que confirmou a relación da embarcación co narcotráfico.

A investigación permitiu identificar e deter un cuarto implicado en terra, supostamente vinculado á operación, e na xornada do venres produciuse a quinta detención. Os dous últimos arrestados son galegos e estarían relacionados coa localidade de Ribeira, onde as forzas de seguridade realizaron rexistros como parte do operativo.

No operativo participaron efectivos da Policía Nacional, con GRECO e a Garda Civil.

O alixo derivou do rescate inicial de tres tripulantes dunha embarcación na costa asturiana, xa que se podo comprobar que, xunto á mesma, había paquetes de droga flotando.

Nun primeiro momento, foi o Hélimer 2011, o helicóptero de Salvamento Marítimo, o que se desprazou á zona, a 3 millas da costa, pasadas as 5:00 deste mércores, ante o aviso de que unha embarcación motora, con tres persoas a bordo, afundira.

Os tres tripulantes, que tiñan síntomas de principio de hipotermia, foron trasladados en helicóptero ata o porto xixonés do Musel, onde foron atendidos inicialmente por unha ambulancia e, con posterioridade, trasladados ao hospital de Jove.

A operación segue aberta para determinar a totalidade dos implicados nesta rede de narcotráfico con conexións internacionais. Os detidos están sendo investigados polas forzas de seguridade, que seguen analizando as evidencias recollidas, mentres que a droga incautada será remitida ás autoridades para a súa análise e destrución.