Manuela Carmena, de promoción en Galicia

A alcaldesa de Madrid, Manuela Carmena, e líder de Ahora Madrid estará en Ferrol o vindeiro sábado 2 de abril para presentar o seu libro 'Por qué las cosas pueden ser diferentes'.

Será a primeira vez que a xurista e política visite a cidade galega como rexedora da capital española, aproveitando a promoción da súa obra, na que mostra a súa loita contra a inxustiza, a corrupción e a burocracia, cita a sinopse

A visita foi organizada pola asociación Fuco Buxán, organizadora do acto, e está incluída dentro do ciclo Democracia e Compromiso que contou, entre outros invitados, con Juan Carlos Moedeiro hai varias semanas.

A presentación do libro, aberta ao público xeral, terá lugar o 2 de abril ás 12 horas no Centro Cívico de Caranza.