Caen un 70% os beneficios de Stellantis, mentres continúa a procura dun novo CEO
O grupo, pendente dunha menor demanda este ano e dos aranceis, espera unha marxe operativa de "medio díxito" para 2025.
Por Europa Press / Redacción | Vigo | 26/02/2025 | Actualizada ás 13:00
O grupo multinacional automobilístico Stellantis obtivo un beneficio neto atribuído de 5.473 millóns de euros en 2024, o que supón un 70,5% menos que os 18.596 millóns de euros que rexistrou o ano anterior, segundo informou o grupo, que precisou, doutra banda, que o proceso para designar ao novo conselleiro delegado permanente está en marcha e que concluirá no primeiro semestre de 2025.
"Aínda que 2024 foi un ano de fortes contrastes para a empresa, con resultados que non alcanzaron o noso potencial, logramos importantes fitos estratéxicos. En particular, comezamos o lanzamento de novas plataformas e produtos multienergéticos, que continuará en 2025, iniciamos a produción de baterías para vehículos eléctricos a través das nosas empresas conxuntas e lanzamos a asociación Leapmotor International", destacou o presidente e conselleiro delegado interino do grupo John Elkann.
O grupo, dono de 14 marcas entre as que figuran Peugeot, Fiat, Jeep, Opel, Citroën ou Alfa Romeo, obtivo o ano pasado uns ingresos netos por 156.900 millóns de euros, isto é un 17% menos, en comparación co exercicio anterior.
